CEBU, Philippines - Ang Command Central Center (C3) sa syudad sa Sugbo sentralisado na 24-oras sugod niadto pang Enero 10 ning tuiga.
Sumala ni Konsehal Dave Tumulak, ang pangulo sa Cebu City Disaster Risk Reduction Management Council nga ang C3 mao nay modawat sa nagkadaiyang katuyuan sama sa basura, peace and order, public requests, Closed-Circuit Television Cameras (CCTV) monitoring, emergency ug disaster.
Matud ni Tumulak kaniadto, ang Management Information and Computer Services (MICS) sa Cebu City hall maoy gitahasan niini apan malihok lang nila ang yangungo sa publiko panahon sa ting-trabaho.
Apan sa bag-ong C3 sa barangay Mambaling, 24/7 na kining bukas alang sa publiko ug gidumala na kini karon sa peace and order council ug sa CCDRRMC sa syudad sa Sugbo. Adunay siyam ka mga “call takers†ug usa ka pulis nga mag-monitor sa CCTV sa tanang oras.
Mahimong motawag sa mga numero 262-7157, 267-7231, 262-7205 o cell number 09434211130/09177222343 kung dunay magkinahanglan og tabang, emergency, disaster, ug uban pa. (BANAT NEWS)