Wa kinahanglana mangayo og permit

CEBU, Philippines - Ang kagamhanan sa dakbayan sa Sugbo mipadala na og suwat sa Ombudsman-Visayas nga nag-esplikar nga dili na niini kinahanglan pa nga molukat og permit sa Department of Social Welfare and Development (DSWD) ang siyudad sa ilang “Peso Mo, Ospital Ko” fund campaign.

Si Vice Mayor Edgardo Labella misuwat kang Deputy Ombudsman for Visayas Pelagio Apostol nga nipasabot sa eksplinasyon sa Assistant Regional director sa DSWD-7 nga si Nemia Antipala.

Matud ni Antipala nga ang mayor gani maoy gihatagan og gahum ubos sa Local Government Code (LGC) nga maka-isyu og permit sa mohimo’g fund drive alang sa charitable purpose.

Si Labella midayeg hinoon sa gihimo sa Ombudsman nga pagpakabana aron nga ang mga opisyal sa dakbayan dili makahimo og kalapasan sa balaud. (BANAT NEWS)