37 ka polis sa Lapu-Lapu na-promote

CEBU, Philippines - Usa ka opisyal ug 36 ka mga Police Non Commission Officers (PNCO) ang gipatas-an sa ilang ranggo atol sa "Donning of ranks and Oath-taking ceremony" sa mga bag-ong na-promote nga mga  kawani  sa kapolisan   sa dakbayan sa Lapu-Lapu sa milabay’ng adlaw.

Si SPO4 Rex Ybanez sa Station 3 sa Lapu-Lapu City  Police  Office (LCPO) maoy bugtong PNCO nga na-promote   sa   pagka -Police Inspector, 3  sa pagka- Senior Police Officer 3, 4- pagka Senior Police Officer 2, 25 pagka Police Officer 3 ug 4 pagka Police Officer 2,    ang  tanan  mikabat  sa  37 ka polis sa Lapu-Lapu ang kasamtangang gipatas-an ang ranggo.

Ang maong promosyon gihimong dungan  sa ubang mga units sa PNP , sa tibuok  Police Regional Office 7, diin 10 ka opisyal ug 531 ka PNCO ang na-promote sa ilang posisyon.

Gumikan niini gikalipay ni Lapu-Lapu City Police Office Director P/SSupt. Rey Lyndon Lawas ang maong kalambuan ug nanghinaut kini nga tahuron sa kapolisan ang ranggo  nga  gisangon  kanila.

Human sa maong kalihukan gibahinbahin ang mga bag-ong na-promote  ngadto sa lima ka police sub-station sa dakbayan sa Lapu-Lapu. (BANAT NEWS)