Coastal road padung sa Inayawan gitinguha ni Mayor Michael Rama
CEBU, Philippines - Usa sa mga proyekto ang gitinguha karon ni Cebu City Mayor Michael Rama mao ang pagbutang og “coastal road†gikan barangay Ermita ngadto sa barangay Inayawan nga gituohang makatubag sa problema sa trapiko sa Natalio Bacalso Avenue.
Ang maong coastal road gibana-banang moabot singko ngadto napulo kilometros nga manukad sa barangay Ermita subay ngadto sa Pasil, Suba, Sawang-Calero, Duljo Fatima, Mambaling, Basak hangtud na sa barangay Inayawan.
Si Rama gikatakdang motuki niini kauban nila ni Ricky Dakay sa Dakay Construction, pangulo sa city market Raquel Arce, OIC city engineer Atty. Jose Marie Poblete, Coastal Management Board (CMB) ug kapitan ug mga konsehal sa barangay sa Pasil.
Kun mahinayon kini, hayan mamenus-menusan na ang problema sa trapiko sa N. Bacalso Avenue sanglit ang dunay mga sakyanan nga nagpuyo sa Inayawan mahimo nang makaagi niini ug makalikay sa mga rota sa mga jeepneys.
Dugang ni Rama nga hisgotan usab nila ang pagpadako sa bukana sa “Guadalupe Riverâ€, higpit nga implimentasyon sa “three-meter easement†sa barangay Pasil ug “boardwalk†sa Sawang Calero. (/EIM)(BANAT NEWS)
- Latest
