Kolektor gipatay
CEBU, Philippines - Usa ka kolektor sa usa ka appliance center ang gipusil patay sa duha ka lalaki nga nagmotor sa Gate 2 sa South Road Properties sa dakbayan sa Sugbo pasado alas 9:00 kagahapon sa buntag.
Ang biktima naila nga si Rodolfo Bangquiao, gikatahong kolektor sa usa ka appliance center.
Matud pa sa security guard nga si Samuel Formentera, sa Café Security and Investigation Agency nga nakahinabi sa Banat News, ang biktima padulong mopasilong tungod kay nag-ulan niadtong tungora.
“Sa akong pagtuo mura’g mopasilong ni siya, di na man kaayo ‘to kusog pero padulong na to mohunong na ang ulan,†sumala ni Formentera.
Sumala pa ni Formentera nga gitaparan sa duha ka lalaki ang biktima ug nanaog ang angkas sa motor dayon gipusil ang biktima.
“Paghunong segundos lang, nitapad, wala pa gani siya ka-side stand sa iyang motor piti (gipusil) dayon,†dugang ni Formentera.
Sumala pa ni SPO4 Alex Dacua sa Homicide Section sa Cebu City Police Office, human pusila sa gunman ang biktima daling misibat ang mga mamumuno.
“Wa man gyud siya actually gikuhaan og belongings, igo rang gipusil pagkatumba gibiyaan,†matud ni Dacua.
Si PO2 Bryan Baylon sa Crime Scene Investigation nga nahinabi sa Banat News miingon nga naigo sa iyang tuong tampihak ang biktima nga milusot sa luyo sa iyang ulo ug sa walang kilid sa iyang lawas apan miungot ang bala sa iyang tiyan.
Nakuha sa kapolisan ang duha ka basiyo ug usa ka slug sa kalibre .45 ug gisusi sa kapolisan ang cellphone sa biktima aron masuta kun duna bay hulga ang iyang kinabuhi. (/EIM)(BANAT NEWS)
- Latest
