Cebu City, DepEd ug RAFI magtukod og eskuylahan sa Barangay Ermita
CEBU, Philippines - Ipahigayon karong adlawa ang pagpirma sa Memorandum of Agreement (MOA) sa Cebu City Government, pinaagi ni Mayor Michael Rama, Department of Education (DepEd) Cebu City Division, Schools Division Superintendent Rhea Mar Angtud ug ang presidente sa Ramon Aboitiz Foundation Inc. (RAFI) nga si Roberto “Bobby†Aboitiz.
Mahitabo kini sa RAFI building sa dalan Lopez Jaena, barangay Parian dakbayan sa Sugbo alas 9:00 sa buntag.
Ang pagpirma sa MOA kabahin kini sa pagpatukod sa four-story, 12 classroom elementary school building sa barangay Ermita siyudad sa Sugbo.
Gipalit sa RAFI ang lote nga 1,042 square meters, ug abagan sa City Hall ug DepEd ang pagpatukod sa P13 milyones nga estraktura.
Gitugutan si Mayor Michael Rama sa Cebu City Council sa pagsulod sa maong kasabutan uban sa RAFI ug DepEd niadtong Disyembre 18, 2013.
Matud ni Anton Dignacie, RAFI Education Development Unit executive director, makabaton na unya og kaugalingong eskuylahan ang mga bata sa Ermita ug dili na sila molakaw pa kada-adlaw paingon sa Cebu City Central School.
Dugang pa ni Dignacie nga dako kini og tabang sa mga kabataan sa Ermita aron mamahimong mabungahon nga indibidwal sa umaabot nga panahon. (BANAT NEWS)
- Latest
- Trending
