Nangihi gipusil patay sa wa ilhing kriminal

CEBU, Philippines - Patay ang usa ka lalaki nga gipusil sa wala hiilhing  kriminal  didto sa sitio Crasher, barangay Cogon sa dakbayan sa Naga pasado alas 4:00 sa miaging hapon.

Ang biktima naila nga si Wendel Caballes, hingkod, molupyo sa barangay Mambaling sa dakbayan sa Sugbo. Base sa imbistigasyon sa kapolisan nga ang biktima nangihi sulod sa kural sa JLR Construction and Aggregate Incorporated  nga  sagkaon  og  dyutay.

Matud ni PO2 Dionisio Trumata, desk officer sa Naga City Police Station nga bantang  kaayo  ang  biktima  nga  nangihi kay  ang  kriminal  didto  man sa gawas  nga bahin  sa koral  nga  ubos  og  dyutay.

Naigo  ang  biktima  sa  duha ka bala sa walang bahin sa iyang lawas, usa sa agtang, usa sa walang bahin sa dughan ug usa sa walang bahin sa iyang ulo  ug namatay  kini  diha-diha.

Napunitan  sa kapolisan  didto  sa  crime scene ang upat ka kabhang sa kalibre .45  nga  pistol,  usa ka cell phone, usa ka handheld radio, ug usa ka 11 pulgadas nga bladed weapon. Padayon  pang  gipangita  sa kapolisan  ang  killer. (BANAT NEWS)