Napaig nga lawas iya sa koreans
CEBU, Philippines - Kompirmadong iya gyud sa duha ka missing nga babaye ug lalaking Koreano ang patay nga lawas nga napaig sulod sa usa ka sakyanan sa dakbayan sa Danao base sa resulta sa DNA samples.
Ang maong mga Koreano naila nga sila si Kim Mingyu alyas Billy ug si Yun Sangwon alyas Steve.
Matud pa ni Chief Insp. David Alexander Patriana ang DNA examiner sa PNP Crime Lab 7 nga ang samples nga gipadala sa Korean embassy gikan mismo sa ginikanan sa mga biktima.
“It’s the Korean Embassy who sent the samples to Camp Crame,†sumala pa ni Patriana.
Dugang ni Patriana nga wala maapil og kasunog ang femur sa mga biktima diin didto sila nakakuha og bone marrow sample alang sa DNA testing.
Matud pa ni Patriana nga ang macro-etching result sa nasunog nga sakyanan nakatabang sa imbestigasyon sa kapolisan nga maoy mitudlo kanila kun kang kinsa ang Hyundai Santa Fe nga sakyanan.
Si Patriana miingon nga kun aduna pay kaugalingon nga crime laboratory ang rehiyon mas dali unta nila nasulbad ang identity sa duha.
Si Sr. Supt. Noel Gillamac, hepe sa Cebu Provincial Police Office miingon nga posibleng may kalambigitan ang usa ka car dealer nga ilang gikasohan sa miaging buwan sa nahitabo sa duha ka Koreans. (BANAT NEWS)
- Latest
