Lalaki nalumos sa Toledo
CEBU, Philippines - Usa ka lalaki ang napalgan sa duha ka gwardya nga naglutaw sa dagat sa Pier 3 sa barangay Daan dakbayan sa Toledo pasado alas 9:00 sa miaging gabii.
Ang namatay naila nga si Wilfredo Plasibe, 53, molupyo sa sitio Lawis, barangay Luray II sa dakbayan sa Toledo.
Ang nakakita kaniya mao sila si Romel Uy ug si Efren Trazona mga gwardiya sa maong kompanya.
Matud pa ni PO1 Jonathan Cuizon, desk officer nga nahinabi sa Banat News nga napalgan na lang sa duha ka sekyu ang patay nga lawas sa biktima nga naglutaw sa Pier 3 sa Global Company.
Ang asawa niini nga si Evelyn miingon nga naglain ang lawas sa iyang bana dihang miadto kini sa baybayon alas 5:00 sa miaging hapon. Gipahibalo nalang siya nga napalgan kini nga patay na sa dagat. (BANAT NEWS)
- Latest
