Polis nga nakapatay sa drug pusher gitinguhang hataga’g spot promotion
CEBU, Philippines - Irekomendar nga hatagan og spot promotion sa Cebu Provincial Police Office si PO2 Gabriel Opoc nga naangol sa usa ka buy bust operation sa lungsod sa Liloan sa miaging semana.
Ang Provincial Police Director nga si Sr. Supt. Noel Gillamac miingon nga ila karong timbang-timbangon ang gibuhat ni Opoc sa dili pa nila ihatag ang rekomendasyon alang sa promosyon niini ngadto sa rehiyonal nga buhatan sa kapolisan.
"I-evaluate pa sad namo kung nasulod ba sa guidelines kay duna man ana," matud ni Gillamac.
Apan giklaro ni Gillamac nga ang Police Regional Office 7 maoy mo-aprobar sa promosyon ni Opoc.
Miingon si Gillamac nga mihatag sila og moral ug financial support ni Opoc ug sa iyang pamilya samtang nagpa-alim pa kini sa iyang samad pinusilan.
Si Opoc nasamad sa iyang wala nga kamot human siya mapusilan ni Elias Gulane ang subject sa maong buy bust operation kinsa daling mipusil sa maong polis dihang nabantayan niyang awtoridad diay ang iyang katransaksyon.
Gihatagan sab si Opoc mismo sa Regional Director sa PRO-7 Chief Supt. Danilo Constantino og “Medalya ng Sugatang Magiting†niadtong petsa 27 sa Disyembre didto sa Perpetual Soccour Hospital.
Matud ni Supt. Rodolfo Albotra ,ang hepe sa Provincial Intelligence Branch nga gipahimangnoan niya pirme ang iyang mga sakop nga mag-amping sa pagbuhat sa ilang katungdanan.
"Opoc is the first blood of the PIB and we are thankful nga dili ingon ana ka-grabe iyang naangkon (samad)," matud pa ni Albotra. (BANAT NEWS)
- Latest
