Driver nagbitay og pisi patay

CEBU, Philippines - Patay ang usa ka 30-anyos nga drayber sa multicab human kini maghikog  sulod sa iyang kwarto sa barangay Mohon, dakbayan sa Talisay.

Ang naghikog mao si Dindo Donoso, residente sa maong dapit .

Si Donoso  naabtan na lang sa iyang igsuon nga si Rogelio Donoso nga nagbitay  sulod sa iyang kwarto   nga  hiniktan  og  pisi  ang  liog  nga  gigaid  usab  sa kisame  ang  tumoy  niini.

Sila si SPO1 Mikie Espina, SPO1 Yvonne Ilustrisimo ug PO1 Stephen Sefuesca   maoy  daling miresponde sa maong insidente.

Si Ilustrisimo nga nahinabi sa Banat News  nagkanayon nga si Dindo  naghambin og sakit nga nervous breakdown.

Giingong pila ka adlaw ang nakalabay si Dindo mahadlok  og tawo tungod kay giingong adunay mopatay kaniya.

Sa wala pa maghikog si Dindo giingong nakit-an  sa iyang mga paryente nga nag-ampo ug wala sila magdahom nga magpakamatay kini. (/WC)(BANAT NEWS)