Food exhibit sa MCCTEST gikanselar

CEBU, Philippines - Nahukman niadtong miaging adlaw sa school administration ug sa mga tinun-an sa usa  ka  eskuylahan  sa dakbayan nga dili ihinayon ang food exhibit nga ilang giplanohang buhaton.

Si Padie Suico, school instructress sa  Mandaue City College Technological, Entrepreneurial Mandaue nga kanselahon  ang  ilang food exhibit agi  og  simpatiya  sa  mga  nabiktima  sa bagyong  Yolanda.

Kini  aron  ang salapi alang  sa graduation nga pagahimoon  ila  na lang  igahin  ug itugyan ngadto sa mga biktima sa bagyong Yolanda.

Nunot niini ang 67 ka mga tinun-an sa kurso nga vocational alang sa commercial cooking, food and meat processing, baking  ug pastries making mopahigayon na lang  og yano  nga presentasyon sa mga produkto nga nakat-onan nila sa pagluto.

Ang presentasyon nga ilang pagahimoon nga pagatambongan sa mga dagkong opisyal sa maong tulunghaan ug kadagkoan sa kagamhanan sa maong dakbayan maoy kabahin sa mga requirement   sa dili  pa  nila  dawaton  ang  diploma.

Kini  pagpamatuod  nga   nakalabang na sila sa mga pagsulay nga gihimo sa kadagkoan sa  ilang tulunghaan.

Si  Suico  miawhag   sa mga tinun-an sa pagbahin sa ilang gidaghanon ngadto sa tulo ka pundok nga langkoban sa cake decorating, commercial cooking ug meat processing. Sa maong kalihokan   gihimo sa matag grupo ang paggahin og salapia nga mokabat sa P5,000 nga  ilang  giamot-amotan.

Dugang nga gihimo sa mga tinun-an mao  ang pagtigom og  P2,000 nga igasto  nila  sa  mga  produkto nga  ilang lutoon  atol  unya  sa ilang  presentasyon  nga ipahigayon.  (BANAT NEWS)