8 luwas sa nahagsa nga helicopter
CEBU, Philippines - Luwas na ang walo ka mga sakay sa PAF Huey Chopper nga nahagsa didto sa Brgy. Lapaz lalawigan sa Leyte sa milabay’ng Biyernes sa hapon.
Kini gikompirmar ni PAF 2nd Air. Division Commander Maj. Gen. Romeo Poquiz atol sa pakighinabi sa mga tigbalita.
Matud pa ni Maj. Gen. Poquiz nga mapasalamaton siya nga walay nakalas nga kinabuhi sa pagkahagsa sa chopper didto sa bukirang bahin sa Brgy. Lapaz , samtang nanghatod og mga relief goods.Si Capt. Aldwin Gutierez ang piloto sa maong chopper nabalian sa tiil, samtang ang iyang co-pilot nga si Eddie As-il luwas ang kahimtang.
Ingon man ang mga crew nga sila si SSGT. Cristobal Amorin, SGT. Quirubin Perez, SGT. Angelito Anterola ug SGT. Henry Roque nga maoy tighatag sa mga relief goods.
Lakip sa mga biktima mao ang duha sa sakop sa DSWD nga sila si Naome Mongaya ug Danny Franco Bitara. Upat ka anggulo sa hitabo ang ilang giimbistigar diin usa niini mao ang kalagmitan nga human error, astronomical ug mechanical error. (BANAT NEWS)
- Latest
