Sobra P6 bilyones ang damage sa super typhoon ug linog sa CV

CEBU, Philippines - Ang National Economic Development Authority-7 nagkanayon nga gibanabanang P5 bilyones ngadto sa P6 bilyones ang danyos sa mga publikong imprastraktura ug agricultural crops sa amihanang Sugbo ug sa probinsiya sa Bohol ang gibilin sa bagyong Yolanda ug sa 7.2 magnitude nga linog.

Matud pa ni Efren Carreon, ang regional director sa NEDA-7 nga ang maong estimate, posible nga mas  daku ang aktwal nga panginahanglan kung pabarugon kini pagbalik.

"Ang atong estimate base na sa karaan nga mga designs sa mga public infrastructures. But as soon as the rehabilitation and reconstruction begin, mas daku ang gasto kay typhoon-proof and earthquake-proof structures will be replace," matud pa ni Carreon sa press briefing sa miaging adlaw.

Kasagarang nangagusbat mao ang mga tunghaaan, health facilities, taytayan ug kadalanan. Apil na usab niini ang mga poste sa kuryente. Malaumon usab si Carreon daghan mga oportunidad sa trabaho ug negosyo human sa kalamidad.

"There is a saying that there is an opportunity in every crisis. I am optimistic that with the cooperation between the private sector and the government, mas daghan ang makatrabaho ug ang negosyo," matud pa ni Carreon.

Sumala pa ni Carreon nga ini’g sugod sa reconstruction daghan ang mo-hire og mga trabahante ug molambo usab ang negosyo labi na ang construction ug hardware.

"Once the budget is there and the reconstruction begins, this will surely spur economic activities in affected areas. With the dynamism and cooperation, Central Visayas will recover faster, " dungag pa ni Carreon. (BANAT NEWS)