Mga bakwit mibiya na sa Lapulapu

CEBU, Philippines - Katapusang 18 ka pamilya sa mga evacuees sa Brgy. Mactan ug Brgy. Looc sa dakbayan  sa Lapulapu mipauli na sa ilang yutang natawhan ug ang uban nanimpalad  sa kaulohan.

Matud pa ni NAVFORCEN Spokesman Lt. Jim Aris Alagao   nga  mikabat  sa 500 ka individual sa 18 ka pamilya ang katapusang mibiya sa mga evacuation center  sa Lapu-Lapu sa milabay’ng adlaw.

Samtang si Lapu-Lapu City Police Office Director P/SSupt. Rey Lyndon Lawas mapasalamaton  sa mga opisyales sa barangay nga  mibantay sa kalinaw palibot sa mga evacuees.

Gilingaw sa mga sakop sa banda ang mga bakwit sa wala pa kini mamauli ngadto sa Tacloban.

Si Luis Alvarado usa sa mga evacuees mipadayag nga mas maayo pang mopauli sila sa ilang dapit ug manikaysikay aron makabarug sa ilang  panginabuhi.

Ang ubang mga bakwit atua mopaingon sa kaulohan aron daling makabarog sa ilang kahimtang. (BANAT NEWS)