P1,000 madawat sa matag senior sa Mandaue
CEBU, Philippines - Ipang apud-apod sa kagamhanan sa Mandaue ang P1,000 nga year end financial assistance alang sa mga senior citizen sa dili pa ang Pasko.
Mao kini ang pamahayag ni Konsehal Nenita Layese, chairman sa committee on laws and ordinances kagahapon atol sa tunga sa adlaw nga “Post Evaluation†sa Federation of Senior Citizens of Mandaue City Phils., Inc. didto sa SDC, CSWS compound.
Matud ni Layese iyang paningkamotan nga ikahatag ang maong kantidad sa Disyembre 9 o adlaw’ng Lunes.
Ang kagamhanan migahin og tag P2,000 nga annual financial assistance sa matag senior citizen.
Ang katunga niini gihatag na sa miaging katunga ning tuiga. Mikabat og 5,000 ang mga senior citizens diin matag barangay adunay chapter organization.
Lakip sa benepisyo nga matagamtaman sa matag usa mao ang Murtuary Program, kung diin mo-ambag-ambag ang mga sakop sa kapunongan og P10 kung adunay motaliwan.
Usa usab sa ilang mga programa, ang Four Point Agenda, Lakbay Aral ug ang Gateball Games.
Si Mayor Jonas Cortes sa iyang mensahe nga gibasa ni Konsehal Diosdado Suico miingon nga dili pa kini igo isip tugbang sa mga “contributions†sa mga senior citizens.
“Dako among pasalamat sa administrasyon ni Mayor Jonas Cortes tungod kay naatiman ang among panginahanglan ug andam kami moabag alang sa kalamboan sa dakbayan,†matud ni Bienvenido Gahi, presidente sa federation. (BANAT NEWS)
- Latest
