PDEA agents nga mironda sa balay nga way warrant nailhan na sa PDEA
CEBU, Philippines - Nailhan na sa National Bureau of Investigation kun si kinsa kadtong mga ahente sa Philippine Drug Enforcement Agency -7 nga mironda sa usa ka panimalay nga walay warrant of arrest.
Gisaysay kagahapon ni Ronulfo Caes, usa ka laboratory technician 1 sa Office of the National Bureau of Investigation (NBI)-7 ngadto sa media ang pagsulod sa mga miyembro sa Philippine Drug Enforcement Agency (PDEA)-7 ngadto sa balay sa iyang ugangan.
Matud niya alas 11:00 sa gabii niadtong Nobiyembre 21, 2013 dihang gisulod sa sakop sa PDEA ang balay sa iyang ugangan o ginikanan sa iyang ka live-in partner didto sa barangay Pahina Central, Cebu City.
Niadtong orasa, matod niya natulog na siya ug gipukaw siya human dunay mga lalaki nga misulod sa balay sa iyang ugangan ug dunay gipangita sa balay ug nangukay kini.
Matud ni Caes nga iyang gipangutana ang mga lalaki og duna ba sila’y search warrant nga gikuptan ug kun kinsa sila, apan igo ra siyang gitubag nga mga taga PDEA sila.
Tungod niana, matud niya iyang gipahibaw nga usa siya ka empleyado sa NBI ug diha-diha giingong mihunong ang maong mga lalaki sa ilang gibuhat ug milakaw.
“Akung nakita nga dunay tulo ka mga lalaki ug usa sa kilid. Ingon nila nga naa pa daw lain nga kuyog ang maong grupo,†matud niya.
Iya usab gipahibalo ang NBI bahin sa hitabo, si Atty. Bernard dela Cruz mao karon ang gi-assign aron susihon ang maong kaso. Hangtud di pa mahuman ang kaso, dili una ibutyag sa NBI kung si kinsa ang maong mga PDEA agents. (BANAT NEWS)
- Latest
