Engkwentro 1 NPA patay
CEBU, Philippines - Usa ang kompirmadong patay sa engkwentro sa Armed Forces of the Philippines ug sa mga rebelde nga New People’s Army sa sitio Center Cut, barangay Pitogo sa lungsod sa La Libertad sa alas 5:05 sa miaging hapon.
Matud pa nga nagpatrolya ang 18 ka mga sundalo sa 11th Infantry Battalion dihang nagkasugat sila sa mga grupo sa mga NPA nga mikabat og napulo ka mga tawo nga miresulta sa napulo ka minutos nga sinukliay og bala nga miresulta sa kamatayon sa usa ka wala pa mailhing rebelde.
Gisaway sa tigpamaba sa Central Command (CENTCOM) sa AFP Lt. Jim Aris Alagao ang NPA tungod sa wala niini pagtuman sa ceasefire tali kanila ug sa gobiyerno labi na sa lugar nga naigo sa bagyo nga Yolanda.
Matud pa sa usa ka pamahayag nga giluwatan sa NPA pinaagi sa website niini nga philippinerevolution.net nga mideklarar kini og ceasefire niadtong Nobiyembre 8 sa mga regional commands sa NPA lakip na sa Eastern Visayas Regional Command, Panay Regional Command, Central Visayas Regional Command, and the Negros Island Command.
“They have violated their very own ceasefire declaration. They have fired upon our AFP troops, which were only conducting their regular foot patrol mission,†matud pa ni Lt. Alagao.
Narekober sa militar ang usa ka M1 carbine rifle nga may usa ka magazine ug usa ka military backpack nga puno sa bala ug mga subersibo nga dokumento.
Samtang matud pa ni Alagao nga ang Centcom mipaabot sa ilang pahasubo sa banay sa nakalas sa maong engkwentro. Matud pa ni Alagao nga andam ang AFP nga manalipod ug mobuhat sa ilang katungdanan sa pagsiguro sa safety ug security sa tanan. (BANAT NEWS)
- Latest
