DENR-7 nag-awhag sa katawhan nga mananom og mangrove

CEBU, Philippines - Giawhag sa Department of Environment and Natural Resources-7 ang katawhan sa pagtabang nga mananom  og mangrove sa mga coastal areas sa Central Visayas aron maprotektahan ang komunidad batok sa storm surges, tidal waves, tidal currents ug sa bagyo.

“Super Typhoon Yolanda has taught us a lesson that storm surges could happen given the strong winds that go with a ‘monstrous’ typhoon and its devastating effects to communities along the coastlines,” matud pa ni Isabelo Montejo, ang DENR-7 regional executive director.

Matud pa ni Montejo nga pinaagi sa pagtanom og mangroves sa kabaybayonan mamenusan ang impact sa mga kalamidad nga susama ni super typhoon Yolanda.

“Mangroves are salt tolerant, woody, seed-bearing plants ranging in size from small shrubs to tall trees and they occur along sheltered intertidal coastlines and in association with estuaries and lagoons,” dugang pa ni  Montejo. Ang mangroves usa usab ka nursery grounds sa mga isda, pasayan ug kasag , nagsuporta kini sa produksiyon sa isda sa mga coastal areas.

Dugang pa ni Montejo nga kadtong gusto motabang sa pagpananom og mangroves, mo-coordinate lang sa Community Environment and Natural Resources Offices para mahatagan og mangrove seedlings o saplings ug sa pag-identify sa mga lugar nga katamnan. (BANAT NEWS)