Cebu City Hall employees uyon nga kuhaan ang ilang meal allowance aron idonar sa mga biktima

CEBU, Philippines - Mga kawani sa dakbayan sa Sugbo miuyon na nga modonar sila og kabahin sa ilang gahin sa pagkaon alang unta sa duha ka buwag nga kalihukan – ang Cebu City Sportsfest ug sa Christmas Party sa mga kawani.

Matud ni Atty. Dominic Diño, ang pangulo sa Human Resource Development Office (HRDO) nga ang mga sports coordinator mihangyo lang nga sa P250 nga meal budget sa matag kawani alang sa sportsfest, ang P100 lang niini ang idonar sa mga biktima sa bagyo didto sa Leyte.

Gipasabot ni Diño nga ang nahabiling P150 mao na lang ang ilang gastohon alang sa pagkaon sa mga mosalmot sa paugnat sa kusog.  Si Diño miingon nga ang kadaghanan sa mga department heads nagkauyon nga idonar nila sa mga biktima sa bagyo ang tibuok P250 nga gahin sa matag usa kanila.

Ang pagdonar sa meal budget wala magpasabot nga dili na mopahigayon og Christmas party ang mga kawani  sa City Hall karong Disyembre. (/EIM)(BANAT NEWS)