Cash-for-work program gipatuman alang sa mga biktima

CEBU, Philippines - Giawhag ni Senadora Nancy Binay ang Department of Social Welfare and Development sa pag-implementar  cash-for-work  program sa mga biktima  ni   super typhoon ‘Yolanda’.

Si Binay ni-file og Senate Resolution No. 373 nag-awhag sa DSWD ug ubang concerned government ug local government units nga mag-coordinate sa ilang efforts sa pag-implementar sa CFW program. Ang CFW usa kini ka relief effort diin hatagan og  cash ang motrabaho bugti sa  community service nga ilang himoon sama sa pagpanglimpyo  sa mga  evacuation centers, pag-ayo sa mga balay nga nangaguba ug uban pa.

Apan una pa man ang gi-file nga resolusyon ni Binay, ang Department of Labor and Employment (DOLE) nakasugod na sa ilang CFW program ug nakabenipisyo na niini ang liboan ka mga tawo gikan sa kapin 40 ka barangay sa Ormoc City.

Ang DOLE inabagan sa DSWD mipagawas og P50 milyones   alang sa sweldo sa maong mga gipang-hire nga trabahante nga motabang sa pagpanglimpyo ug constructions. Gihimo nalang usab nga sayon ang rekisitos nga pangayoon gikan kanila nga naglakip lang sa ilang pangalan ug edad.

Ang maong super typhoon, matud pa ni Binay nakaapekto na kini  sa pagkakaron  og  2,212, 955 ka pamilya  or 10, 306,318 ka mga indibidwal sa 44 ka mga probinsiya, 574 munisipyo, ug 57 ka siyudad sa  Southern Tagalog, Bicol, Western, Central and Eastern Visayas. (BANAT NEWS)