Gullas libreng kasal may panginahanglan

CEBU, Philippines - Ang libreng kasal sa simbahan  gitanyag ni Dr. Jose R. Gullas alang  sa  mga  magti-ayon nga nagpuyo-puyo o kaha nakasal  sa civil.

Kadtong gustong  magpakasal  sa simbahan nga wala’y  bayad gidapit sa pag-andam  sa  mga  mosunod;  original nila nga baptismal certificate, original nga confirmation nga may tatak nga “for marriage”, original nga cenomar, cedula nga gi-isyu karong tuiga, ug original nga birth certificate.

Samtang sa mga kasado na sa huwes gikinahanglan na lang nila ang original nga baptismal, original nga confirmation nga may tatak nga for marriage, original nga marriage certificate, original nga birth certificate ug cedula nga gi-isyu karong tuiga.

Gawas nga libre ang kasal, libre  usab ang gown sa pangasaw-onon.

Ang screening sa magpakasal ipahigayon karong Nobiyembre 23 sa alas 9:00-12:00 sa UV gym ug dad-a lang ang mga dokumento nga gihisgotan sa itaas.

Ang libreng kasal ipahigayon sa Cebu Metropolitan Cathedral sa sunod tuig.

Alang sa dugang kasayoran tawga  lang si Lovely Paragoso sa 4168090. (BANAT NEWS)