DSWD nangita pa’g relief operation center
CEBU, Philippines - Padayon nga nangita og relief operations center ang Department of Social Welfare and Development-7 aron madali ang ilang pag-repack sa mga relief goods alang sa mga biktima sa super typhoon Yolanda.
Matud pa ni Aileen Arriba, ang spokersperson sa DSWD-7 nga sa pagkakaron aduna sila’y lima ka relief operation centers .
Matud niya nga ang ika lima niini mao ang nahimutang sa basement sa Cebu International Convention Center, siyudad sa Mandaue.
Miingon si Lariba nga sa pagkakaron may kaliboan na usab sila ka mga boluntaryo nga miabag sa pagpamutos sa mga relief goods.
Apan matud pa niya, ang tanang mga relief goods nga naputos na , adto kini dad-a sa mga biktima sa Tacloban City ug sa ubang lugar sa Eastern Visayas.
Pero mihatag na ang DSWD-7 og 500 ka sakong bugas sa Cebu province aron kini i-apud-apod sa tanang lugar sa Amihanang Sugbo nga naigo sa bagyong Yolanda.
Nanghinaut usab ang DSWD-7 nga aduna pay mga lumo og kasing-kasing nga mopahuwam sa ilang lugar nga libre nga gamiton nila isip relief operation center. (BANAT NEWS)
- Latest
