Dugang biyahe padung Ormoc City gitugot sa MARINA-7
CEBU, Philippines - Gidungagan sa Maritime Industry Authority-7 ang mga biyahe padulong sa Ormoc City, kay kini mao man ang labing duol nga lugar nga maagian sa dagat padung sa Tacloban City ug kasikbit nga mga dapit.
"We already add more trips for Ormoc City from 15 trips to 25 trips daily," matud pa ni MARINA-7 regional director Nanette Dinopol.
Nagkanayon usab si Dinopol nga andam ang mga tag-iya sa barko sa Sugbo nga mopasakay og pasahero nga libre padung ug pabalik gikan sa Cebu-Tacloban City and vice versa.
"We still have to coordinate with the local government in Tacloban City and in Cebu City," matud pa ni Dinopol.
Matud pa ni Dinopol nga lisud ikarga ang mga pasahero sa barko nga gikan sa Tacloban City unya basin walay kabutangan ang mga evacuees dinhi sa siyudad sa Sugbo.
Sa pagkakaron, ang mga barko sa Philippine Navy ug ubang barko sa Philippine Coast Guard maoy kasagaran gigamit nga sakyanan sa mga evacuees nga gikan sa Tacloban City ug ubang dapit sa Eastern Samar nga buot mobakwit sa siyudad sa Sugbo. (BANAT NEWS)
- Latest
