Byahi sa Barko wa pa gikanselar
CEBU, Philippines - Wala pay byahe sa barko nga gikanselar ang Philippine Coast Guard apan mipahimangno kini sa mga gagmay nga mananagat nga mag-amping sa ilang paglawig ug monitoron gyud ang lakaw sa panahon tungod sa nagsingabot nga super typhoon nga Yolanda.
Si Ensign Donna Liza Duran-Ramacho ang tigpamaba sa Coast Guard sa Central Visayas nga nahinabi sa mga tigbalita miingon nga wala pay biyahe nga nakanselar tungod kay wala pa moabot sa Philippine Area of Responsibility ang maong bagyo.
Matud pa ni Ramacho nga ang pagkansilar sa mga byahi sa barko mahitabo lang kun duna nay storm warning signal ang Philippine Atmospheric Geophysical and Astronomical Service Administration (PAGASA).
“Mag-cancel lang og trips kung naa nay signal sa bagyo,†dugang pa ni Ramacho.
Miingon si Ramacho nga sa pagka-karon ang ila lang usa nga ikatambag sa mga gagmay’ng mananagat nga dili lang usa moadto sa Palawan seaboard labi na nga didto moagi ang bagyo.
“Small fishing vessels are advised not to venture out to the seaboard of Palawan,†sumala pa ni Ramacho.
Apan giklaro ni Ramacho nga ang mga kapitan sa barko kung tan-aw nila nga peligro ug dagko na ang balod sa dagat pwede nila pabalikon ang barko sa iyang agi o ba kaha dili na lang niini pabiyahion.
Gitataw ni Ramacho nga sa higayon nga duna nay storm signal ila gilayon nga kanselahon ang byahi sa mga barko nga maapektahan sa bagyo. (BANAT NEWS)
- Latest
