33 ka langyaw gidakop sa Bureau of Immigration
CEBU, Philippines - Gidakop sa mga sakop sa Bureau of Immigration ang 23 ka mga Chinese ug 10 ka mga Russians nga gidudahang dili kumpleto ang ilang mga dokumento nga legal ang pag- anhi o pagpuyo nila nganhi sa Pilipinas. Matud pa ni Faizal Hussin, special assistant for intelligence sa BI ug ang nangulo sa paggukod sa mga gitawag og mga "illegal aliens" nga ekslusibong nahinabi sa Banat News nga 23 ka Chinese ang ilang gidakop niadtong Nobyembre 4, 2013 alas 2 sa hapon.
Ang mga Chinese, 20 niini didto gidakop sa usa ka mall sa Colon nga nagnegosyo samtang ang tulo nanuroy lang sa maong mall.
Ang pagpanakop sa maong mga Chinese nationals gihimo sa BI ubos sa pagtabang nila ni Chief Insp. Wildemar Tiu sa Waterfront Police Station ug Insp. Romeo Sentinta Jr. sa RIID 7.
Ang 23 ka mga Chinese nationals gibuhian lang pag alas 7 sa gabii human nasuta nga kompleto ang ilang mga pepeles, gawas lang sa tulo (nanuroy sa mall) nga napamatud-an nga overstaying na.
Ang tulo ka Chinese nationals sa pagproseso sa ilang mga dokumento aron malugwayan ang ilang pagtinir sa Sugbo.
Matud pa ni Atty. Jing Oliver Balina, ang BI special prosecutor nga kabahin ang operasyon sa "Mapping Aliens" sa BI.
Samtang, unom ka mga Russians nga giingong nagtrabaho sa usa ka travel agency sa Lapulapu City nga walay working visa ang gidakop samtang ang upat mga bisita lang sa unom ka mga Russians.
"We are giving them due process by showing us proof that they have all the necessary documents. Otherwise, they will be deported, which is the penalty for working without visa," matud pa ni Balina.(BANAT NEWS)
- Latest
