AFP water purifier system nakatabang sa loon ug sagbayan
CEBU, Philippines - Mokabat 413,000 ka libo na ka litrong “purified water†ang nasuporta sa mobile Water Purifier System (WPS) sa kakulang sa tubig sa lungsod sa Sagbayan ug sa Loon sulod lang sa duha ka semana human niigo ang linog sa probinsya.
Ang WPS gidumala sa Armed Forces of the Philippines (AFP) human kini gidonar sa US Marine Experimentation Center niadtong tuig 2010 ngadto sa National Development Support Command (NADESCOM).
Matud pa ni Commander Antonio Alexis Manuel Jr., ang nagdumala sa maong mga purifier systems sa duha ka lungsod, ang maong mga purifier systems gigama gyud aron gamiton atol sa kalamidad sama sa bagyo, linog, baha nga diin ang usa ka lugar nagkaproblema og inumon nga tubig.
Liboan ka mga residente nga biktima sa linog sa lungsod sa Loon ug Sagbayan ning probinsiya ang nakapahimulos sa libreng “purified water.â€
Usa si Esmael Yaya, residente gikan sa Motosur, Loon nga nagpasalamat sa pagbutang sa water purifier system tungod lagi kay wala sila maanad sa pag-inom sa tubig sa gripo.
“Makaseguro gyud kita nga limpyo ang ato giinom kay sa agas sa gripo,†matud pa ni Yaya. Si Loon Vice Mayor Elvie Peter Relampagos nagkanayon nga ang pagbutang og water purifier dako kaayo nga tabang sa lungsod alang sa limpyo nga mainom nga tubig.
Usa sa hinugdan niini mao nga wala pa usab mahibalik ang supply sa kuryente sa lungsod.
“Any help that will come in our town will be more than appreciated as long as it comes from kind hearted people,†matud pa ni Vice Mayor Relampagos.
Ang pag-operate sa duha ka WPS giabagan usab sa mga personnel gikan sa Army’s 2nd Special Forces Battalion. Kining WPS nagamit na kini sa Cagayan, Iligan, New Bataan, Compostela Valley, Davao Oriental, Guihulngan City, Negros Oriental. (BANAT NEWS)
- Latest
