CFI midonar sa mga biktima sa Bohol
CEBU, Philippines - Bisan naguba ang ilang buhatan sa dakbayan sa Tagbilaran, ang Cebu CFI Community Cooperative ninghatag gihapon og hinabang alang sa mga biktima sa linog sa Bohol.
Gibutyag sa pangulo sa CFI, kanhi huwis Esperanza Garcia, nga ningkabat P750 mil ang ilang nahatud nga hinabang isip kabahin sa ilang corporate social responsibility.
Si Bohol Gob. Edgar Chato ang nidawat sa P300 mil, ang dakbayan sa Tagbilaran nakadawat og P100 ka libo samtang ang simbahan nakadawat usab og P200 mil.
Matud pa ni Garcia nga gawas sa kwarta, ningkabat usab og P150 mil ang natigum nga mga binotelyang tubig, noodles, de latang pagkaon ug biskwit gikan sa amot-amot sa mga kawani sa CFI.
Ang CFI adunay mokabat sa 2,000 ka mga sakop sa lalawigan sa Bohol. Matud pa ni Garcia nga ang ilang buhatan sa Bohol adunay kadaut nga nahiaguman ug ila kining ipaayo. (BANAT NEWS)
- Latest
