North district barangays nag-peace covenant usab

CEBU, Philippines - Ikaduhang hugna sa peace covenant sa mga kandidato sa kabarangayan sa dakbayan sa Sugbo gipahigayon kagahapon.

Ang barangay Agsungot, Binaliw, Pit-os, San Jose, Bacayan, Pulangbato ug Budlaan ang lakip sa mipirma kagahapon sa peace covenant.

Kahinumduman nga niadtong Martes 16 ka mga barangay ang mipirma sa peace covenant.

Base sa Balitang Bisdak ang peace covenant signing gipasiugdahan kini sa Cebu City Police Office diin ang mga kandidato sa umaabot nga eleksiyon magpirmahay kini atubangan sa presensiya sa representante sa simbahan.

Ang maong kalihukan gisugdan kini sa usa ka Santos nga Misa ug mitambong usab niini ang Comelec.

Tumong sa peace covenant mao ang paghatag og pasalig sa mga kandidato nga dili mopasiugda sa kagubot alang sa malinawong ug malampuson nga barangay election.

Si Senior Inspector Jose Gesto, hepe sa Talamban Police Station diin sakop sa iyang area of responsibility ang walo ka mga barangay nagkanayon nga walay angayang  ipaubos sa area of concern sa maong mga barangay.

Si Gesto nanghinaot nga ang mga kandidato motuman unta sa ilang  mga saad nga dili magpasiugda og kasamok. (BANAT NEWS)