Pamilya sa napatay nga hostage-taker modangop sa NBI-7, Polis buot nilang ikiha
CEBU, Philippines - Gikatakdang mangayo og tabang sa National Bureau of Investigation (NBI) 7 ang kabanay sa napusilan patay nga ship officer kinsa nang-hostage og 13-anyos nga tinun-an sud sa usa ka barko sa Pier 2 niaging Martes sa gabii.Si Andrew Lendio, 32, 2nd mate sa M/V Filipinas-Cebu ang namatay human siya mapusili ni SPO4 Rogelio Cañete kinsa niresponde sa nahitabong hostage-taking pasado alas 6 niaging Martes. Ang amahan ni Lendio, kinsa ni-request nga pugngan ang pangalan, nagkanayon nga modangop sila sa NBI 7 mangayo og tabang kay plano nilang ikiha si Cañete.“Wala lang unta niya giulo pagpusil. Pwede ra man unta ‘to di niya ulohon,†sigon pa sa amahan.
Gihulagway niya iyang anak nga buotan ug komedyante. Ang half-brother usab ni Lendio nga si Marvin Aller nagkanayon nisegunda sa sulti sa amahan ni Lendio. “Trained sad baya sila ana unsaon nila pagdakop ug pagbawi sa weapon. Kutsilyo ra g’yud tawon dala sa akong igsuon pero ila na dayon gipusil,†matud pang Aller. Ang inahan usab sa namatay nagminatay og hilak samtang naglantaw sa patay’ng lawas sa iyang anak nga si Lendio diin gihaya sa St. Francis Funeral Homes kagahapon.
Samtang ang 9-anyos nga anak ni Lendio, kinsa gisuwayan sa pagkuha sa iyang habig, ang wala nitingog apan pwerte usab niining tiyabaw matud pa pagkakita sa gidangatan sa iyang amahan.Gihulagway sa pamilya nga dili makiangayon ang pagpusil patay kang Lendio ug tinguha nila nga tagaan og hustisya ang namatay. Gikatakdang moabot sa nasud gikan sa Canada ang asawa ni Lendio karong Biyernes, kinsa scheduled untang moabot sa Disyembre 5 pa niining tuiga.
Paabuton pa ang asawa ni Lendio una dalhon ang patay’ng lawas sa Alegria. Ang suspek sa nahitabong hostage-taking upat na ka tuig nagtrabaho sa maong kompanya.Si Lendio giingong hubog niadtong tungora ug nag-wild ug nikaratil og saka sa MV Filipinas-Cebu nga nagdala og kutsilyo ug gi-hostage ang 13-anyos tinun-an sa Sisters of Mary School sa Talisay City.
Ang tinun-an, napagan sa bala human naigo usab sa iyang nawong sa pagpusil ni Cañete ug giingong kinahanglang operahan kay niungot ang bala sa iyang liog.
Ang hepe sa City Intelligence Branch sa Cebu City Police Office nga si Chief Supt. Romeo Santander midepensa kang Cañete sa pag-ingon nga lehitimo ang gihimong aksyon sa polis kay nabutang sa peligro ang kinabuhi sa biktima. (BANAT NEWS)
- Latest
