Suspek sa hit and run nga namusil mitahan kang Nalzaro
CEBU, Philippines - Suspek sa pagpusil patay sa drayber sa delivery truck sa softdrink ug pagkaangol sa truck boy niini adtong Sabado sa gabii sa Barangay Ilihan dakbayan sa Toledo mitahan na kagahapon sa buntag.
Ang kahadlok alang sa iyang seguridad maoy nakapaaghat kang Domiciano Capilan, 48, taga-Barangay San Roque, dakbayan sa Sugbo sa pagtahan kang dySS radio station anchorman, Bobby Nalzaro.
Si Capilan gi-turn over usab dayun kang Toledo City police chief, Chief Insp. Michael Anthony Bastes ug pasakaan kini og tukmang kaso.
Si Capilan miangkon sa pagpusil patay kang Joel Bonghanoy, 32, taga-Vallehermoso, Negros Oriental ug pag-angol kang Dionesio Traya, 28, taga-Barangay Bulongan, sa walang abaga niini. Ang duha nagkalalis tungod sa pagkasaghid sa suspek sa side mirror sa sakyanan sa biktima. (BANAT NEWS)
- Latest
- Trending
