Balitang local mga biktima sa MV Princess of the Stars gustong si Peras maoy mohusay sa kaso

CEBU, Philippines - Miduso og manifestation ang abogado sa Public Attorney’s Office (PAO) nga milaban sa mga sumosunod sa mga biktima sa pagkalunod sa M/V Princess of the Stars didto sa Romblon nga si Judge Soliver Peras ang mopadayon sa paghusay sa maong kaso.

Sukwahi kini sa tinguha sa mga abogado sa Sulpicio Lines kinsa miduso usab sa ilang tinguha nga mabalhin ang maong kaso sa laing korte tungod sa rason nga si Peras  mao man ang misulbad sa Judicial Dispute Resolution.

Subay sa rules kini nagbutyag nga ang huwes nga mohupot sa JDR kinahanglan nga buhian ang main case. Gawas lang kung masabotan sa nagkabangi nga partido nga ang maong huwes magpabilin og ipadayon ang pagresulbar sa main case.

Ang tinguha sa mga abogado sa Sulpicio Lines nakapabalaka sa mga claimants tungod kay klaro nga malangan na usab ang pagresolbar sa ilang kaso nga gipasaka batok sa Sulpicio Lines.Inc.

Si Maria Gree Calinawan, regional director sa PAO mibutyag nga gusto sila nga si Peras ang moresulbar sa main case. Si Peras gikatakdang mopagawas sa iyang resolution sa dili madugay. (BANAT NEWS)