Rice trader gipusil patay
CEBU, Philippines - Patay ang usa ka negosyante og bugas human kini pusila sa wala mailhing suspetsado nga sakay og motorsiklo kagabii sa Barangay Poblacion, dakbayan sa Danao.
Apan ang kapulisan wala pay motibo o identity sa mipusil-patay kang Reynaldo Lindayag, 55, nga mulopyo sa Calvary Hills, Sitio Tuburan Sur, nga gideklarar nga dead on arrival sa Danao Provincial Hospital tungod sa duha ka samad pinusilan sa buko-buko niini.
Si PO3 Marlon Remollo, imbestigador, mibutyag nga paingon na unta mopauli sa ilaha ang biktima gikan sa pwesto niini sa merkado sakay sa sikad-sikad sa dihang gisundan kini sa mga mamumuno ug gipusil makaduha ka higayon.
Usa ka witness ang mitug-an nga ang gunman anaa sa 5’5†ang gitas-on, sakto ang panglawas, ug bangason samtang ang usa anaa gihapon sa 5’5†ang gitas-on, pution, ug semi-opaw ang tupi. Ang duha sakay sa pula nga motorsiklo nga walay plate number.
Matud ni Remollo nga dili pagpanulis ang motibo sa maong insidente kay anaa ra man ang P28 mil nga iyang gidala ug laing importanteng gamit sa biktima.
“Sa pamilya sad wala sila’y nahuna-hunaan nga kontra kay buotan man kaayo ning tawhana kuno,†matud ni Remollo.
Ang Provincial Intelligence Branch (PIB) mitabang na karon sa Danao City police sa pagpahigayon og imbestigasyon. (BANAT NEWS)
- Latest
