Batang German nalumos sa resort
CEBU, Philippines - Usa ka batang babayeng German national ang nalumos sa swimming pool sa usa ka beach resort sa barangay Punta Ingano, dakbayan sa Lapulapu. Giila ni PO3 Lydo Pinos sa Homicide Section sa Lapulapu City Police Office (LCPO) ang namatay nga mao si Vanessa Unger, 11, nga kauban sa iyang mga ginikanan nagbakasyon dinhi sa Sugbo.
Matud pa ni Pinos nga buntag pa naligo sa dagat ang maong langyaw nga bata ug nagsakaysakay pa kini sa jet ski sa nahisgutang beach resort sa barangay Punta Engaño.
Mibalhin kini og kaligo sa swimming pool apan pipila ka gutlo ang milabay, nabantayan sa lifeguard nga si Joseph Pangatungan ang usa ka batang nagkaob sa upat ka tiil nga gilawmong swimming pool ug wala maglihok.
Sumala pang Pinos, daling gitabang ni Pangatungan ug mga kaubang mga lifeguards ang bata ug gihatagan og first aid apan wala kini ma-revive maong gidala kini sa Mactan Doctors Hospital apan si Dr. Adoracion Pilapil mideklarar niini nga patay na. (BANAT NEWS)
- Latest
