Usa sa suspek sa Ducayag murder mosang-at og mosyon
CEBU, Philippines - Plano sa kampo ni Jeffrey Aquino, usa sa mga gikiha og kasong murder tungod sa pagkamatay ni Mario Alfie Ducayag nga mo-file sila og motion for reconsideration ngadto sa Cebu City Prosecutor’s Office.
Niadtong Miyerkules ang Prosecutor’s Office mipagawas sa resolution diin gi-approved ni Cebu City Prosecutor Nicolas Sellon ang desisyon ni Prosecutor II Anna Lou Cavada nga ipasaka ang kasong murder ngadto na sa korte.
Matud ni Sellon nga duna gyuy igong basihan ang pag-sang-at sa kaso sa korte basi sa ebidensya nga gipresenta sa reklamante.
Apan matud ni Atty. Salvador Solima, legal counsel ni Aquino nga mo-file sila og motion for reconsideration. Ug kung i- deny kini sa Prosecutor’s Office ilaha kining ipasaka sa Department of Justice (DOJ). Matud niya wala sila magtuo nga murder ang i-file nga kaso batok sa iyang kliyente.
Matud niya kinahanglang maprubar ang elemento sa murder. Kay gikan sa sinugdanan inosente gyud ang iyang kliyente sa mga pasangil kay wa kini labot sa pagbun-og patay sa biktima nga gipasanginlang nangawat og paresan nga sandal sa usa ka department store sa dalan Colon.
Si Marie Shantylle, igsuon sa biktima nagkanayon nga malipayon sila sa kalamboan sa kaso.
“Gidungog gyud ang among every day prayer and hopefully murder gyud ang i-file nga kaso ngadto na sa korte,†matod niya.
Ang mga akusado sa maong kaso uban ni Aquino mao sila si Mauricio Doblados, Jr., Aquino ug Melvin Boyles. Gawas sa murder case, kasohan pa usab si Doblados og obstruction of justice. Ang mga sinumbong pulos mihimakak sa mga pasangil kanila. (BANAT NEWS)
- Latest
