BOC Collector dela Cuesta ibilin sa Cebu?
CEBU, Philippines - Mikatap sa buhatan sa Bureau of Customs (BOC) Port of Cebu ang balita sa pagpabilin ni Collector Edward Dela Cuesta isip Port Collector sa Port of Cebu.
Kini human pirmahe ni BOC Commissioner Rozzano Ruffino “Ruffy†Biazon ang Customs Personnel Order no. B-144-2013 .
Aprobado usab ang maong kamandoan ni Finance Secretary Cesar Purisima diin pipila ka mga kawani sa Customs sa Mactan Economic Zone (MEZ) ang gipabilin sa ilang katungdanan aron dili mabalda ang operasyon niini.
Kasagaran sa mga kawani sa Customs nga gidestino sa MEZ lagyo ang plantilla posisyon niini ug kung tumanon ang pagpabalik kanila sa ilang mga distino, wala nay mabilin sa buhatan sa MEZ.
Gumikan niini aron dili mabalda ang operasyon sa MEZ, diin tanang mga produktong para export ug import moagi gyud sa buhatan sa Customs- MEZ gipabilin sa ilang posisyon ang mga kawani.
Usa sa mga gipabilin mao si Customs MEZ Chief Elmar "Tata" Carnicer ug ang mga assistant chief niini nga sila si Wilfredo Cui ug Eugenio Simbajon ug mga examiner nga sila si German Antopina, Edy Neil Camalungay ug uban pa. Unya si Collector Dela Cuesta ibilin usab kuno. (BANAT NEWS)
- Latest
