Ex-police nga suspek pagpatay sa traffic enforcer mi-plead not guilty
CEBU, Philippines - Mi-plead not guilty sa kasong pagpatay ang usa ka polis nga giakusahang nipusil patay sa usa ka traffic enforcer sa syudad sa Sugbo.
Si Geoffrey Borinaga, kanhi police sa syudad sa Sugbo wa miangkon sa giatubang niini sa kasong pagpatay atol sa arraignment niini niadtong Biyernes didto sa sala ni RTC-7 Branch 12 Judge Estela Alma Sinco.
Si Borinaga maoy gipasanginlan nga nipusil patay ni Armando Abdon Daligdig niadtong Hunyo 5 didto sa Governor Cuenco Avenue, Barangay Banilad syudad sa Sugbo pasado alas 7:00 sa buntag.
Ang biktima nakaangkon og pinusilan sa iyang lawas nga maoy hinungdan sa hinanali niining kamatayon.
Ang kapolisan nagdudang may kalambigitan sa trabaho sa biktima ang hinungdan sa pagpatay niini tungod kay nakit-an man nga nag-away ang kanhi polis ug ang biktima tungod sa kalapasan sa nahauna sa lagda sa trapiko sa wala pa nahitabo ang pagpusil patay.
Apan atol sa arraignment sa kasong murder ang akusado nibutyag nga inosente siya sa pasangil. Sa sunod bulan ipahigayon ang pre-trial conference ug sugdan dayon ang pagdungog sa korte sa nahisgutang kaso. (BANAT NEWS)
- Latest
