Ginikanan ni Aying gimandoan mopa-contempt sa mga opisyal sa CESAFI

CEBU, Philippines - Si  Judge Simeon  Dumdum  sa Regional Trial Court (RTC)7 Branch 7 misalikway sa hangyo   nga  siya maoy  muto propio  nga mopa-contempt of court  sa  mga  opisyal  sa  Cebu Schools Athletic Federation Inc.(CESAFI) .

Hinuon  gimando  ni  Judge  Dumdum  nga  ang  mga  ginikanan  na  mismo  ni Scott  Aying,  usa  ka  high school  ug  basketball player sa University of San Carlos maoy  moduso  sa  korte  sa  pagpa-contempt  ni commissioner  Felix Tiukinhoy  ug  ubang  mga  opisyal  sa CESAFI.

Mahinumdoman nga  tungod sa pagdumili sa pagtuman sa gipagawas nga kamanduan ni  Judge  Dumdum nga nagmando sa kadagkuan sa CESAFI nga padayon makaduwa si Scott Aying sa USC baby Warriors sa nagpadayon nga CESAFI 13th season niatong Miyerkules.

Si Aying  gi-disqualify  sa  CESAFI   nga  makaduwa   sa 13th season  niini.

Ang  mga  ginikanan sa  bata nga sila si Danilo ug Avah Aying mipa-contempt  kanila ni  CESAFI commissioner Tiukinhoy Jr. ug ubang mga opisyales sa CESAFI.

Base sa  mosyon  nga giduso  sa  ginikanan sa batang player  ngadto sa sala ni Judge Dumdum, si Tiukinhoy wala motahod sa kamanduan sa korte niadtong September 24 ning tuiga nga naghatag og higayon  nga makapadayon sa pagduwa si  Aying sa  basketball tournament sa CESAFI ubos sa USC.

Agi og tubag sa  mosyon  sa  pagpa-contempt , si Judge Dumdum nimando nga inay siya ang mangunay sa pagpa-comtempt sa nahisgutang CESAFI commissioner ug mga kaubang officials, ang ginikanan sa bata mao nay moduso og initiatory pleading nga mag-awhag nga i-cite for contempt ang mga opisyal sa CESAFI tungod sa kapakyas sa pagtuman sa nahaunang order sa korte nga pabalikon og duwa ang bata  sa pagpaduwa sa  torneyo.

Base sa Section 4 of Rule-7  of the 1997 Rules of  Criminal procedure niingon ang huwes nga naglatid sa "procedure for commencing indirect contempt," ug iyang gisalindot ang motu propio nga paagi sa pag-contempt sa nahisgutang opisyales sa CESAFI.

Nasayran nga mga ginikanan ni Aying ni-file og petition for injuncton niadtong September 18, 2013 nga mihangyo sa korte nga ibasura ang pag-disqualify sa ilang anak tungod kay ang maong desisyon usa ka  dili makiangayon, walay basehanan ug pag-abuso sa katungod sa kabataan.

Apan ang   mga  opisyal  sa CESAFI  misumbalik  pagduso  og petition sa korte nga ibasura ang petition for injunction sa magtiayong Aying. (BANAT NEWS)