Founder sa GT Cosmetics i-feature sa ABS-CBN TV program
CEBU, Philippines - Gikatakdang i-feature sa ABS-CBN current affairs TV program nga “My Puhunan†ang success story sa tingusbawan sa Cebuana entrepreneur ug GT Cosmetics founder Leonora B. Salvane karong Septiyembre 25 (karong adlawa) sa alas 4:15 pm.
Matud pa nga ibutyag ni Salvane sa maong programa sa broadcast journalist ug “My Puhunan†host Karen Davila kung giunsa niya pagpalambo ang iyang simpleng soap-making business nga karon nahimo nang usa ka malambuong cosmetic manufacturing company.
Nagsugod ang swerte ni Salvane dihang gidungog ang iyang pag-ampo niadtong tuig 1994 sa Liloan, Cebu. Gamit lang ang iyang P500 nga puhonan gisugdan niya ang paghimo sa labing una niyang papaya ug carrot soap.
Wala pa siyay mga gamit alang niini, apan pinaagi sa mga gamit sa kusina sama sa baking pans aron magsilbing hulmahan, nahimong kalingawan sa pamilya ang paghimo og sabon ug nagtinabangay ang iyang mga anak sa pagputos sa ilang mga finished products.
Sa sinugdanan, upat ra ka trabahante ang makayang sweldohan ni Salvane aron paghimo og 50 ka sabon kada adlaw. Apan karon aduna na kini 334 ka mga trabahante ug duha ka pabrika sa Cebu ug Bulacan. Makahimo na sila og 25,000 kada product line, gikan sa bleaching soap, moisturizing ug bleaching creams, sunblock, clarifying toner, ug carrot lotion.
Ang kahulogan sa GT naggikan sa God’s Talent. Agi og pagpasalamat ni Salvane sa gasa nga gihatag kaniya sa Kahitas-an. (EIM)(BANAT NEWS)
- Latest
