Task Group Tabanao na-pressure sa kaso
CEBU, Philippines - Task Group Tabanao miangkong gibati na sa pressure sa media kabahin sa imbestigasyon sa kamatayon sa kanhi mediaman nga nahimong tigpamaba sa Philippine Drug Enforcement Agency nga si Jessie Tabanao.
Apan bisan pa man niini, si Supt. Carmelo Dayon, deputy director sa CCPO miingon nga kinahanglang dili nila dali-dalion ang imbestigasyon aron mahatag gyud ang tiunay nga hustisya alang kang Tabanao.
Matud pang Dayon nga ilang gitutukan ang anggulo nga job related ug personal nga kaaway sa biktima.
“Hairline man gud ang deperensya ana (trabaho ug personal nga kaaway), posibleng diha ta magduwa,†matud pa ni Dayon.
Si Dayon misulti nga usa sa ilang problema ang kooperasyon sa mga saksi ug matod pa niya nga natural lang nga naay mga testigo nga moatras.
Mitug-an si Dayon nga nakig-alayon sa imbestigasyon ang Philippine Drug Enforcement Agency ug ang Investigation Detection Management Branch.
“Kani siya kung mokooperar lang gyud ang naay nahibaw-an sayon ra gyud ni siya only nga naa pa man ta sa proseso dili pa na nato matubag sa pagkakaron inig abot na sa panahon,†asoy pa ni Dayon.
Sa pagkakaron, nanghipos pa ang mga imbestigador og mga physical ug circumstantial evidence ingon man mga testimoniya sa mga tawo nga dili direkta nga nakasaksi sa pagpatay.
“Dili nato dali-dalion ug dili nato pwede i-sacrifice ang quality sa investigation tungod lang sa time frame,†miingon si Dayon.
“Grabe ang pressure, pero ang among City Director being the task group just become and do your thing,†subay ni Dayon.
Si Cebu Archbishop Jose Palma sa iyang bahin miingon nga naguol siya sa gidangatan ni Tabanao ug sa sitwasyon karon sa problema sa ilegal nga drugas sa Sugbu.
“We sympathize with the family and we hope that justice will prevail for him (Tabanao),†matud pa ni Palma.
“We are aware that this is a more complex issue in the society. Let’s just hope that both authorities concerned will truly realize that this (issue on drugs) has to stop,†matud ni Palma. “We should lessen this part of the plague so that we can improve the society,†dugang pa sa Arsobispo. (/EIM) (BANAT NEWS)
- Latest
