Mayor Rama pabenditahan ang mga giprotestang balota sa BOPK
CEBU, Philippines - Si Cebu City Mayor Michael Rama mibutyag nga seryoso siya nga pabenditahan ang 100 ballot boxes nga giprotestahan ni kanhi mayor Tomas Osmeña ug Joy Augustus Young sa milabay’ng May Elections aron di kini “masudlan og yawa.†“I’m serious nga pabenditahan para ang yawa mohawa, kay mo- come in man na,†matud ni Rama. Alas tres kagahapon sa hapon, gidala na sa 2GO nga barko ngadto sa Manila ang mga giprotestahang ballot boxes. Apan si Rama wa nabalaka niini gumikan kay matud niya nga wala man siya nalimbong sa niaging eleksyon. Gani matud niya nga kun dunay problema sa balota naa usab problema sa tibuok eleksyon. Matud ni Rama nga kun ugaling mausab ang resulta sa mga balota nga gidala sa kaulohan di na gyud angay saligan ang gobyerno.
“The other side (Osmeña ug Young) is making their own stories, common. How can they win if they lost, unsaon man pag wipe out sa almost 7,000 nga labaw adto sa lubnganan kuhaon,†dugang ni Rama.
Si Rama nagkanayon nga wala’y basehan ang protesta apan iya na lamang kini ipahiluna sa labing gamhanan ang tanan.
Kahinumduman nga si Rama ang giproklamar nga mananaug kay milabaw og hapit 7,000 botos batok ni Osmeña samtang si Labella giproklamar usab nga mananaug sa iyang 184 botos nga mas labaw ni Young. (BANAT NEWS)
- Latest
