Spo2 Isagani Ceniza buotang polis
CEBU, Philippines - Usa ka pulis nga nadestino sa Cebu City Public Safety Company nakakaplag og belt bag sa usa ka langyaw nga may sulod nga salapi nga mobalor og dul-an sa 100 mil pesos ang gipasidunggan sa Cebu City Police Office.
“Pinupuri natin ang gawaing ganyan dahil isa siyang magandang ehemplo sa PNP at sa gobiyerno na hindi pala masama gaya ng iniisip ng iba,†matud ni Sr. Supt. Noli Romana.
Ang gipasabot ni Romana mao si SPO2 Isagani Ceniza ,52, lumulupyo sa barangay Quiot ning dakbayan sa Sugbo.
Si Ceniza kuyog sa iyang asawa gikan nangompra dihang gipakanaog na niya ang ilang kinompra dihang nakit-an niya ang usa ka itom nga belt bag. Gipangutana ni Ceniza kung iyaha ba sa driver ang maong bag apan mibalibad kini. Busa iyang gipangayo ang number sa maong taxi driver ug iya sab nga gihatag ang iyang number kun ugaling dunay mangita niini. Isip usa ka pulis iyang gisusi ang sulod sa maong belt bag ug iyang nasuta nga $2,093 (P89,999); P8,500 cash, duha ka singsing, ariyos ug mga importanteng dokomento ang sud niini. Base sa passport ang maong belt bag gipanag-iya sa usa ka Erlinda Fleming, 63, minyo, ug lumulupyo sa #768 E 74th Ave. Apartment B. Anchorage, Alaska 99818.
“Sige ko’g check wa gyud address niya diri sa Cebu pero ingon ang driver nga sa Opra kuno niya gi-drop,†matud pa ni Ceniza. Matud ni Ceniza nga bisan piso wa siyay plano nga iyahon na ang maong belt bag ni sa pagkuha bisan piso lang sa mapng kwarta. (BANAT NEWS)
- Latest
