Imbistigador mipadayag nga way sala sa kaso batok niya

CEBU, Philippines - Mipadayag  nga  dili sad-an  ang  land investigator sa Community Environment and Natural Resources Office (CENRO) sa Departmentof Environment and natual Resources (DENR) sa kasong kalapasan sa anti-graft and corrupt practices act.

Kini atol sa gipahigayon nga arraignment  didto  sa sala ni Regional Trial Court Branch 12 presiding Judge Estela Alma Sinco  sa miaging  Huwebes.

Ang akusado nga si Edwin Atentar, CENTRO land investigator  nagdumili sa pag-angkon sa maong salaod dihang gibasahan  siya  sa kasong graft and corruption nga gipasaka   batok  kaniya ni Virgilia Siguera.

Si Ombusman Graft investigatgor Yvette Chritine Labrador Soleng maoy  miimbistigar  sa maong kaso human mapamatud-i nga may igong ebidensiya batok sa akusado.

Sa maong kaso, ang kihante nga si Siguera miakusar ni Atentar nga nanguwarta kaniya dihang nagpakitabang siya  bahin  sa gipalit  niya  nga yuta.

Kini  may  labot  sa  15 metros  kuwadrado  nga  luna sa  barangay  San Roque, dakbayan  sa Talisay   nga  gipalit  sa kihante   ug  gipahikay  niya  ang  papeles sa  akusado.

Matud  pa  sa  kihante  nga  gipangayoan siya og P8 mil   aron makompleto lamang ang  mga papales apan milanat  og   pipila ka semana wala gayud  kini ma-release.

Dihang  iyang  gi-follow-up  miingon  ang  kihante nga  gipangayoan  na  usab  siya  og   laing P10 mil  sa maong  akusado.

Apan midugang  ang  kihante  nga  mibayad  siya  sa  gipangayo  sa akusado  apan ang  yuta  nahiadto  na  hinuon  sa laing  tawo  hinungdan  nga iya  kining  gipasakaan  og  kaso  sa korte. (BANAT NEWS)