Drayber sa habal-habal gipusil patay
CEBU, Philippines - Maayong pagkaguba sa nawong sa usa ka habal-habal driver human kini gipusil sa duha ka lalaking nagmotorsiklo pasado alas-onse sa miaging gabii diha sa barangay Poblacion Ward 1 sa lungsod sa Minglanilla.
Ang biktima giila nga si Roldan “Dandan†Caparas, 32, usa ka drayber sa habal-habal sa maong dapit.
Sa pakighinabi sa Banat News ni PO1 Wilmer Campo sa Minglanilla Police mipadayag kini nga ang biktima gikan nga naghatod sa iyang pasahero apan pag-abot sa maong dapit dihang kalit nga mibutho ang duha ka lalaking sakay og motorsiklo nga Honda XRM nga walay plate number.
Sa walay daghang pangutana gikatahong ang backrider sa maong motorsiklo ang kalit mibunot og armas mipusil sa biktima nga naigo sa ubos nga bahin sa wala nga mata sa biktima.
Patay na kini pag-abot sa Minglanilla District Hospital. Ang mga mamumuno padayon pang gipangita. (BANAT NEWS)
- Latest
