Duha ka tawong may sakit naghikog

CEBU, Philippines - Duha ka mga tawo naghikog sa managlahing lugar sa Mandaue City ug sa Compostela. Patay na nga nadiskubrehan sa iyang apo ang usa ka 67 anyos nga si Silvestre Daniot, dihang nakit-ang nagbitay nga may nylon sa liog  taga Purok Rose, barangay Opao, dakbayan sa Mandaue alas -12 pasado kagahapon sa udto. Si PO3 Joel Osabel sa kapolisan sa Presinto 5 sa Mandaue City Police Office (MCPO) mibutyag sa Banat News nga makadaghan nang misuway og hikog  si Daniot tungod sa sakit.

Apan makadaghan na usab nila kining mabantayan ug napugngan, apan niadtong tungora giingong nakahigayon gyud kini sa pagkutlo sa iyang kinabuhi

Samtang sa barangay Estaca sa lungsod sa Compostela, usa ka Nestor Yuzon, 52, nga dunay sakit nga diabetes ug gibiyaan sa asawa ang napalgang nagbitay sud sa iyang lawak. Si SPO2 Pedro Enriquez  miingon nga dugay na nga nag-antos sa sakit  sa diabetes ug nervous breakdown ang tiguwang base sa impormasyong nadawat nila gikan sa mga kabanay. (BANAT NEWS)