Aj “Bazooka” Banal ug pangasaw-unon nadisgrasya
CEBU, Philippines - Sugboanong professional boxer nga si AJ “Bazooka†Banal naaksidente uban sa iyang pangasaw-unon diha sa eskina D. Jakosalem St. ug Colon St. pasado alas-3 kagahapon sa hapon.
Nasamdan ang fiancée ni Banal nga si Junbeth Carabaña, 30, nga daling gidala sa ospital lakip na ang drayber sa nakabangga kanilang motorsiklo nga si Henry Talictic.
Matud pang Banal, kansang tinuod pangalan Alex John, nagmaneho siya og usa ka Honda Beat nga dunay plaka 6801 GX gikan sa D. Jakosalem St. patubang Colon St. sa dihang nabanggaan siya sa Kawasaki motorcycle (ZH 5768) ni Talictic.
Sakay ni Banal ang iyang fiancée nga si Carabaña padung unta sila sa dress shop kay magpasukod sa ilang suoton pangkasal. Ang duha naka-schedule magpakasal sa huwes karong Huwebes.
“Siya gyud sad-an adto. Dapat unta kay mo-straight man siya og padagan, diri unta siya sa tuo na bahin sa lane. Diri man sad siya sa left nga bahin so pagliko namo padung wala, nagkabangga na hinuon,†asoy pa sa 24-anyos nga boxer.
Nalagpot silang duha gikan sa tagsa-tagsa kamotorsiklo hasta si Talictic nga kusog nagpadagan matud pa kang Banal. Nakaangkon siya og pangos sa bukton samtang si Carabaña nakaangkon usab og pangos sa likod.
Miabot ang sakop sa Emergency Rescue Unit Foundation ug gidala si Talictic ug Carabaña sa Cebu City Medical Center sa pagduda nga nakaangkon og bun-og sa kalawasan ang duha.
Ang aksidente mimugna og kahuot sa trapiko sa maong dapit. (BANAT NEWS)
- Latest
