Bodega sa mayor naugdaw

CEBU, Philippines - Mokabat sa P200,000 ang gibilin nga danyos sa nasunog nga duha ka andana nga bodega sa mayor sa San Remegio Mayor Mariano Martinez sa sitio Panaghiusa sa barangay Mantuyong, dakbayan sa Mandaue sa miaging gabii.

Ang kabomberohan nakadawat og tawag alas 11:34  sa miaging gabii ug nakontrolar paglabay sa 30 minutos.

Si SFO1  Nilo Cosedo sa Bureau of Fire Protection (BFP) sa maong dakbayan nga nahinabi sa Banat News miingon nga ang nasunog nga panimalay nga ginama sa light materials gipanag-iya ni Martinez.

Dugang pa niya nga nagsugod ang kalayo sa kisame sa ikaduhang andana niini ug mikaylap sa tibuok panimalay nga nakaingon sa pagkaugdaw human sa pagkaylap pa sa kalayo. Wa hinuoy naangol o namatay sa maong hitabo. (/EIM) (BANAT NEWS)