Piniriso patrabahoon sa MEPZ
CEBU, Philippines - Gikalipay sa mga binilango sa Lapulapu City Jail ang lakang sa usa ka kompaniya sa MEPZ nga mopatrabaho kanila alang sa ilang dugang kinitaan. Matud pa ni Lapulapu City Jail Warden J/CInsp. Renante Rubio ang Trigger Company sa MEPZ ,usa ka kompaniya nga tiggama og mga blade nga dad-on ngadto sa Japan maoy mohatag trabaho sa mga piniriso.
Gumikan niini gikalipay ni Rubio ang maong kalambuan ug mohimo sila og mga lakang alang sa hapsay nga pamaagi sa maong proyekto. Usa na niini ang pagpili sa mga piniriso nga babaye ug lalaki nga buotan.
Ila usab nga higpiton ang seguridad aron kalikayan unya ang problema sa pagpuga.
Pipila sa mga kompaniya sa MEPZ nagtinguha nga mohatag og trabaho sa mga binilango aron makaapas sila sa mga dinaliang order gikan sa ilang mga suki sa gawas sa nasud. (BANAT NEWS)
- Latest
