Port police nanion og armas gidakop

CEBU, Philippines - Natanggong sa karsel sa kapolisan ang usa ka Port Police Inspector tungod sa pasangil nga pagnion ug pagpabuto niini sa iyang armas atol sa ilang panaglalis sa silingan diha sa dalan Alviola sa barangay Tejero sa dakbayan sa Sugbo sa miaging adlaw sa alas 5:40 sa hapon.

Ang suspetsado giila nga si Inspector Godwin Pilapil, 23- anyos lumolupyo sa  91-D Alviola Street, barangay Tejero sa dakbayan sa Sugbo ug konektado sa Port Police Division sa Pier 3 sa dakbayan sa Sugbo.

Ang reklamante mao ang silingan niyang si Ronilo Collamat, 33, subay sa blotter sa Waterfront Police Station ang suspetsado ug ang biktima giingong naglalis apan mibunot og armas ang suspek ug diretsong nanion ug mipabuto niini sa taas.

Didto na madakpi sa Pier 3 ang suspek. (BANAT NEWS)