CEBU, Philippines - Nang-recruit karon ang Philippine Drug Enforcement Agency og mga batan-on nga mamahimong mata sa palibot batok niadtong mga nalambigit sa ilegal drugs.
Si PDEA Assistant Regional Director Espiridion Javier mipadayag nga aduna sila’y gikatawag nga “Private Eye†diin usa kini ka grupo nga maoy mohatag og impormasyon kalabot sa mga illegal drug activities.
Matud ni Javier nga gikinahanglan kaayo nila ang mga private eye nga maoy mohatag nila og impormasyon.
Sumala pa niya usa ka “private eye†ang tawong mihatag og impormasyon kabahin sa drug laboratory sa dakbayan sa Mandaue nga miresulta sa pagkasikop sa gitawag kaniadtong “Shabu 11†nga naglakip sa mga Chinese nationals.
Aron maagni ang katawhan pagpamiyembro sa private eye, dunay ganti nga tunga sa milyon ngadto sa usa ka milyon ka pesos alang niadtong makahatag og impormasyon nga moresulta sa pagkasikop ug pagka-kombikto sa mga drug personalities.
Ang PDEA-7 nakahimo na og 390 ka operasyon batok illegal drugs, 562 ka tawo na usab ang ilang nasikop ug 632 ka kaso ang ilang napasaka.
Gipadayag ni Javier nga mas labing maayo usab kun ang mga kabatan-onan ang motabang kanila sa pagsumpo sa illegal nga drugas.
“Young one, go ahead, we need you, para sa inyo itong ginagawa naming kaya magtulongan tayo,†padayag pa ni Javier.
Matud pang Javier, dili imposibleng mamahimong drug free ang usa ka nasud tungod kay nahimo kini sa mga nasud sa Cambodia, Thailand ug Burma nga kaniadto bagsakan sa drugas apan karun giingong drug free na ang tulo ka lugar tungod usab sa mga paninguha sa awtoridad ug sa katawhan.
Sa laing bahin, gipasalig usab ni Javier nga ilang gukdon ang ilang mga sakop nga masakpang kakunsabo og drug lords.
Giawhag niya ang publiko sa pagtug-an sa ilang buhatan kung duna sila’y masigpatan sakop sa PDEA nga kakunsabo sa mga drug lords. (BANAT NEWS)